யாரிவன்???!!!...

நம்முடைய தேடல்கள் சில நேரங்களில் முடிவதில்லை.... அதே போல் தான் என்னுடைய ஒரு தேடல்  இங்கே உங்கள் பார்வைக்கு... !!!!

யாரிவன்???!!!...

கோபியர் தம் விழிகளிலே

கண்டவுடன் மயங்கி விடும்

கண்ணனுமல்ல.....!!!

கையில் வாளேந்தி

சைன்யத்தை நோக்கி

வீரநடை போடும்

சூரனுமல்ல...!!!

தேறார் கண்டால்

அஞ்சி நடுங்கி, ஒடுங்கி

ஓடுபவனுமல்ல.....

ஆக்கியானமும், வீண்

பேச்சும் பேசித்திரியும்

அலப்பனுமல்ல....!!!

மாற்றான் அழகாரம்

கேட்டு, பித்தேறி

மதிகெட்டுத் திரியும்

கறுவமானவனுமல்ல....!!!

காலம் கொணர்ந்திடும்

சோதனை கண்டு

அறிவறை கொண்டு

திரிபவனுமல்ல.....!!!

எந்தன் சயனத்திலொரு

குழலிழை கண்டும்

காணமல் போகும்

ஆதனுமல்ல....!!!

ஆயிரம் ஆயனங்கள்

வாழ்ந்தாலும், அரனைப்

போற்றிப் பாடும்

பாணனுமல்ல...!!!

இவன், கெஞ்சினால்

மிஞ்சுவதுமில்லை...

மிஞ்சினால் கெஞ்சுவதுமில்லை...!!!

பின் யாரிவன்????

புரியாத புதிராய்??!!!!

தெரிந்தால் கொஞ்சம்

சொல்லுங்கள்.....,

புதிருக்கான விடையை...!!!!!

-ஷோபனா கோபாலகிருஷ்ணன்

------------------------------------------------------------------------------------------------------------

பொருள்:

சைன்யம்- பெரும்படை
தேறார்- பகைவர்
ஆக்கியானம்-கட்டுக்கதை
அழகாரம்-புகழ்ச்சொல்
கறுவமானவன்- வெகுளி
அறிவறை-மனத்தடுமாற்றம்
சயனம்-படுக்கை
குழலிழை-மயிரிழை
ஆதன்- குருடன்
ஆயனங்கள்-நாட்கள்/வருடங்கள்
அரன்-சிவன்
பாணன்-பாடகர்